24/7 SA PAGSAGIP NG BUHAY

 

Ang pinablin bayan ng Calasiao ay napapagitna sa ilan lungsod sa Pangasinan. Ito ay nadadaanan ng mga National highway. Dahil sa malimit na aksidente sa kalsada, minabuti ni Mayor Joseph Arman C. Bauzon na bumili ang Lokal na Pamahalaan ng mga Rescue Vehicles. Ang mga nasabing sasakyan ang siyang tutugon sa mabilisan pagsagip ng buhay. Hindi lamang sa aksidente sa kalsada maaaring gamitin ang nasabing Rescue Vehicle. Ito ay ginagamit din sa lahat ng uri ng aksidente at sakuna. Ipinag utos ni Mayor Bauzon gawing 24/7 ang serbisyo ng naturang behikulo. Ang Municipal Disaster Risk Reduction Office o MDRRMO ng bayan ang siyang naatasan na magresponde sa mga sakuna. Ang mga tauhan ng nasabing departaminto ay binigyan ng pagsasanay sa  pagbibigay ng paunang lunas at sa mabilis na pagresponde sa anumang sakuna at kalamidad. Ang naturang sasakyan din ay may mga moderno at dekalidad na kagamitan sa pagsagip sa anumang insidente. Binigyan diin ni Mayor Bauzon na ang buhay ay mahalaga, kaya’t mabilis na aksyon ang kailangan. Sa kasalukuyan mahigit ng 800 katao
ang nabigyan tulong ng dalawang rescue vehicle ng bayan. Patuloy   na pagbibigay serbisyo para sa pinablin bayan ng Calasiao.